“Markudo-kudo”, Karuknyuk Masuk Panjara

INDA dong ayah na rela boru nia i hamili alak, biarpe gandak ni boru nia i palaku na. Songon kajadian na di Lamongan, Jawa Timur on. Si ayah, ita baen ma goarna Naknung. Gara-gara murmagondang boltok ni boru nia, tarpaksa i laporkon ia doma bayo namanengget boru nia i tu kantor polisi.

Ngatardok be, bayo i pe na i tangkup polisi doma.

Awalna  carito mengenai bunting on ngadong nambotona. Tai  si Naknung heran do ia mangaligi  Rapmaita (goar samaran) inda bahat carito. Lengna sip sajo. Songon namarangan-angan get tu bulan. Itawarkon doko-doko inda giot. Itawarkon kue talam gadung pe, inda disia. Sihim do ningia idaisan dohot lasiak na por roa nia.

Padahal biasona na lumobi riangna si Rapmaita on, leng na senyum sajo songon iklan ni delident.

Tongkin-tongkin murid kelas tolu SMP on madung marangan-angan. Iboto si Naknung dei nian sabotulna na adong masalah ni boru nia, tai isip kon ia songoni. “Dung uida dope boltok nai mur magodang, baru tarbolus akalku na adong manggalagende borungki,” ning si Naknung.

Turanna ngamangaku ba si Rapmaita. Idokon ia bage ma namasuk angin ia, na mabutong tu, pokokna bahat ma alasan nia. Isapai si Naknung palan-palan, akhirna mangaku si Rapmaita.

Pandokon ni si Rapmaita, anak na i kandungan nia rupana gara-gara hubungan golap dohot gandak nia, ita dokon ma goarna si Karuknyuk (18), na tinggal i  Desa Dateng, Kecamatan Laren, Lamongan.

Andigan dei na dua alak on markudo-kudo. Pandokon ni Rapmaita, alai malakuon hubungan songon namadung marbagas sakitar  Maret 2018 .

Manurut ni si Karuknyuk, tolu noli mai alai na markudo-kudo i bagas ni si Rapmaita. Salain i, ning si Karuknyuk, madung margandak ma alai muloi kalas sada SMP dope Rapmaita.

“Radau tanggung jawab, tai hubungan nami inda i restui,” ning si Karuknyuk dijolo ni polisi waktu i BAP.

Andigan dei si Karuknyuk namarkudo-kudo i?  Pandokon nia, waktu i ayah dohot umak ni Ramaita dompak inda i bagas. Rupana inda hum na ibagas ni gandak nia sajo alai namarkarjoi, i jae ni tanggul Bengawan Solo pe madung icobo alai ma sanga songon dia rasona “margunum” i si.

Dung isalidiki,  madung unjung bage ma si Karuknyuk  i tangkup poso-poso kampung arana i  cabuli ia gandak nia on.

Irasoi si Karuknyuk mada modom i balik ni jarojak bosi Mapolres Lamongan so i partanggung jawabkon ia parbuaton nia. Pandok ni polisi, si Karuknyuk ijorat pasal Pasal 81 ayat 1 dohot 2 dan sanga pasal 82 ayat 1 UU Nomor 35/2014 satontang Perubahan ni UU Nomor 23/2002 satontang Perlindungan Anak.

Adong-adong sajo Si Karuknyuk tile, rasoi…

SHARE

LEAVE A REPLY

Please enter your comment!
Please enter your name here